- Fundur stjórnar FÍÆT 2019-2020. Haldinn á netinu 24.sept. 2019
Mætt: Ragnar, Gísli Rúnar, Bragi, Bylgja og Rut
Mál á dagskrá
- Skipulag stjórnar 2019 – 2020
Stjórn FÍÆT skiptir með sér verkum á eftirfarandi hátt.
Bragi - Formaður
Ragnar Sig. - Gjaldkeri
Gísli Rúnar - Varaformaður
Rut. – Meðstjórnandi
Bylgja - Ritari
Gísli Rúnar sér um að uppfæra heimasíðuna og halda utan um félagatalið.
Ákveðið að fundarboð stjórnar séu send út í gegnum dagatalið í tölvupóstinum.
Ákveðið að ræða betur nefndir FÍÆT á næsta stjórnarfundi.
- Framkvæmdaáætlun stjórnar 2018 – 2019
Bragi mun setja upp skjal inn á google drive og senda á stjórnarmenn. Allir geta þá sett inn verkefnin sem liggja fyrir á þessu starfsári. Rætt um haustfund og önnur verkefni líkt og launakönnun. Samþykkt að taka framkvæmdaáætlun fyrir á næsta fundi svo allir séu inn í verkefnum vetrarins.
- Haustfundur 2019
Rætt um að stefna á fim. 7.nóvember nk og halda fundinn á höfuðborgarsvæðinu. Stjórnarmenn skoða hvaða fyrirlestra væri áhugavert að fá á fundinn svo hægt sé að klára dagskrá á næsta fundi stjórnar.
- Ósk um þátttöku ungmennaráða vegna Skólaþings 2019
Samband íslenskra sveitarfélaga sendi spurningalista á ungmennaráð á Íslandi og óskaði eftir svörum vegna umræðu á næsta Skólaþingi 4.nóvember nk.
Fram kom að stjórn FÍÆT hefði sent spurningalistann á sína félagsmenn svo vonandi verður hann tekin fyrir í flestum ungmennaráðum landsins.
- Verkefni frá aðalfundi
- Ábyrgðasvið nefnda innan FÍÆT
Samþykkt að fresta máli til næsta stjórnarfundar.
- Endurgerð heimasíðu félagsins
Rætt um að koma þessu ferli af stað. Gísli fer í að skoða þetta mál með fræðslu- og upplýsinganefnd.
- Samvinna við Samband íslenskra sveitarfélaga
Stjórnin sammála um að óska eftir fundi með framkvæmdastjóra sambandsins og ræða stöðu íþrótta- og frístundastarfs í sveitarfélögunum og hvernig sambandið geti stutt betur við það.
- Aðalfundur FÍÆT 2020
Áætlað er að halda næsta aðalfund í Skagafirði vorið 2020. Lagt til að skoða 29-30.apríl sem hentugar dagsetningar þar sem 1.maí er á föstudegi.
- Ferðanefnd
Fræðslu- og upplýsinganefnd tekur til umræðu næstu fræðsluferð félagsins. Rætt um hvenær eigi að stefna á fræðsluferð erlendis og hvort það væri hægt að skoða ferð innanlands.
- Aðild að FÍÆT
Rætt um hvernig sé farsælast að ná góðri umræðu um málið og ákveðið að stjórnin leggi fram ákveðinn grunn sem yrði ræddur betur á næsta aðalfundi og félagsmönnum gefin kostur á að leggja fram sínar skoðanir um málið.
- Önnur mál
Enginn önnur mál.
Fleira ekki rætt og fundi slitið kl. 14:05. Stefnt á næsta fund 7-9.október á höfuðborgarsvæðinu.
Bragi Bjarnason ritaði fundagerð.