Karl Jónsson hefur tekið við af Ernu í Eyjafarðarsveit, bjóðum hann velkominn í félagið

Hann sendi okkur nokkrar línur til að kynna sig:

--

Ég heiti Karl Jónsson og starfa sem forstöðumaður íþróttamiðstöðvarinnar í Eyjafjarðarsveit. Starfslýsing mín er gríðarlega víðtæk því á minni könnu er ekki bara rekstur íþróttamiðstöðvarinnar, heldur líka tjaldsvæðisins. Ég er yfirmaður félagsmiðstöðvarinnar Hyldýpis, starfsmaður ungmennaráðs og starfa við Heilsueflandi samfélag. Þá er ég eðli málsins samkvæmt náinn samstarfsmaður UMF Samherja hér í sveit.  

Ég hef víðtæka rekstrar- og starfsreynslu m.a. úr íþróttahreyfingunni og ferðaþjónustu sem nýtist mér vel í þessu starfi og þá hef ég þjálfað körfubolta á öllum stigum í meira en 30 ár og þekki því vel til starfsemi íþróttafélaga og þarfa barna og unglinga í því starfi.  

Ég tók við góðu búi hér um síðustu áramót, rekstur mannvirkjanna og mönnun í nokkuð föstum og góðum skorðum,  en er farinn að setja aðeins meira mark mitt á starfsemina og koma framfarahugmyndum í framkvæmd, eyða gráum svæðum sem eru hér og þar og tryggja betri yfirsýn yfir þennan stóra málaflokk.  Þetta umhverfi þarf stöðugt að vera í þróun og í slíku umhverfi líður mér vel. Ef það vantar svo trymbil í FÍÆT-bandið, er ég klár 😊 

Ég heiti Ingimar Guðmundsson og starfa sem forstöðumaður frístundamála hjá Hveragerðisbæ. Í þeirri stöðu er ég forstöðumaður Frístundamiðstöðvarinnar Bungubrekku en hún hefur yfirumsjón á skipulagningu og rekstri á því frístundastarfi sem sveitarfélagið ber ábyrgð á og býður upp á.

Ég útskrifaðist frá Háskóla Íslands árið 2017 þar sem ég lærði tómstunda- og félagsmálafræði og eftir námið flutti ég til Svíþjóðar þar sem ég starfaði sem teymisstjóri í hegðunar- og atferlisteymi í alþjóðlegum enskuskóla. Árið 2020 flutti ég heim og hóf þá störf sem forstöðumaður Bungubrekku.

Það var aldrei planið að koma til baka frá Svíþjóð og fara að vinna í frístundamálum en þegar tækifærið kom í mínu uppeldisveitarfélagi var ég ekki lengi að breyta um skoðun og reyna leggja mitt af mörkum til þess að skapa betra samfélag fyrir börn, unglinga og aðra bæjarbúa í Hveragerði! 

Emil Morávek heiti ég og hef tekið við starfi verkefnastjóra á fræðslu og frístundasvið Sveitarfélagsins Hornafjarðar.  Þar sinni ég meðal annars starfi tómstundafulltrúa.
Ég er fæddur og uppalin á Höfn í Hornafirði og þar bjó ég fram yfir stúdentsprófið en eftir það var haldið til Reykjavíkur. Í Reykjavík lærði ég kvikmyndagerð og hef síðan þá harkað sem verktaki á því svið þar sem ég starfaði var við allskonar, krefjandi, framandi og skemmtileg verkefni.
Ég starfaði mest við verkefnastjórnun innan framleiðslu og tökustaðamála þó að ég hafi komið við á fleirri stöðum líkt og í aðstoðaleikstjórn.
En nú hef ég fest ráð mit, stofnað fjölskyldu, flutt til baka á æskustöðvarnar og þörfin til að taka þátt í verkefnum samfélagsins orðin til þess að þessi nýja og spennandi staða hefur ratað á borð mitt.

Búið er að senda út dagsetningu aðalfundar og verða frekari upplýsingar sendar á næstu dögum í gegnum netfangalista félaga. Ef þú kannast ekki við að hafa fengið slíkan póst hafðu þá samband við okkur á This email address is being protected from spambots. You need JavaScript enabled to view it..  

Sigrún Ólafsdóttir í er að láta að störfum í Snæfellsbæ. Þökkum við Sigrúnu fyrir samstarfið undanfarin ár.